Gresffordd: I’r Goleuni ‘Nawr

Ymunwch â ni ar gyfer brosiect mwyaf uchelgeisiol NEW Sinfonia erioed – opera gymunedol newydd sbon gyda cherddoriaeth gan Jon Guy a libreto gan Grahame Davies wedi seilio ar stori Trychineb Glofaol Gresffordd gan amlygu ymdeimlad cryf Wrecsam o gymuned yn hanesyddol a phresennol.

Ar ddydd Sul 22 Medi 2024, bydd 90 mlynedd wedi bod ers y trychineb tyngedfennol yng Nglofa Gresffordd, un o’r trychinebau glofaol gwaethaf yn hanes Prydain. Mae’r trychineb yn berthnasol ac yn arwyddocaol hyd heddiw, nid yn unig i bobl Wrecsam, ond i gymunedau glofaol ledled Cymru a ledled y DU. Fodd bynnag, ymhen ychydig flynyddoedd, mi fydd cof byw o'r trychineb yn cael ei ymrwymo i hanes.

Mae themâu colled, anghyfiawnder cymdeithasol, a di-rym, yn ogystal â buddugoliaethau dros adfyd a dathlu hunaniaeth ddiwylliannol i gyd yn ganolog i stori Gresffordd. Rydyn ni’n dod â’r stori emosiynol hon yn fyw, mewn ffordd sy’n ysgogi sgwrs, yn dod â phobl at ei gilydd, ac yn helpu cynulleidfaoedd (o bob cornel o’n cymuned) i gysylltu stori Gresffordd â’u profiadau cyfoes eu hunain.

Mae’r libreto gan Grahame Davies o Goedpoeth wedi’i osod i gerddoriaeth gan y cyfansoddwr a anwyd yn Wrecsam, Jon Guy, a bydd yn cael ei ganu a’i berfformio gan gast o gantorion opera proffesiynol, ein corws opera cymunedol NEW Lleisiau, a’n cerddorfa siambr NEW Sinfonia dan arweiniad Robert Guy. Mi fydd y perfformiad hefyd yn cynnwys darn o farddoniaeth newydd gan y bardd ac actifydd Evrah Rose.

Bydd opera Gresffordd yn rhan o ŵyl goffa dinas-gyfan gyda sefydliadau ac artistiaid ar draws Wrecsam yn dod at eu gilydd i nodi 90 mlynedd ers trychineb glofaol Gresffordd. Bydd mwy o weithgarwch yn ymddangos maes o law ar ein tudalen digwyddiadau.

Cast a Thîm Creadigol

Alan – Rhys Meilyr

Doreen – Kathy Macaulay

Gwyneth – Khrystyna Makar

John - Sam Snowdon

Margaret - Morgana Warren-Jones

Cyfansoddwr – Jon Guy

Libretydd – Graham Davies

Cyfarwyddwr Cerdd - Robert Guy

Cyfarwyddwr – Ruth Evans

Cyfarwyddwr Corws – Jenny Pearson

Dylunydd - Bridget Wallbank

Cynorthwy-ydd Gwisg – Greta Baxter

Dylunydd Clyweledol – Ant Dickinson

Répétiteur - Bethan Conway & Ben 

Attfield

Cydgysylltydd Corws a Phrosiect - Kathy Macaulay

Peiriannydd Technoleg/Sain - Olli Bentley

Rheolwr Llwyfan - Sioned Foulkes

Cynorthwydd Llwyfan - Millie Whittle